Mar 25, 2017
SARADONG LIBRO ni Shy Aragones
Ngayong gabi, libro natin ay tuluyan ng isasara.
Upang makapagbukas ng panibagong pahina
Pahina na tanging kwento ko muna ang nababasa
Kwento natin ay tuluyang tutuldukan na
Upang makapagsulat ng panibagong kwento
Kwentong sa akin lang muna iikot
Bawat salita, bawat talata, bawat pahina, at damdaming nakapaloob
Tuluyang ibabaon sa kahapon
Upang makapagbukas ng bagong umaga
Isinulat ka sa libro ng puso ko
At nabura sa pamamaraang alam ko..
---------------------------------------------------------------------------
Isinulat ito hindi upang paluhain ka
Isinulat ito upang ipaalam
Na ako ay handa na
Handa na sa panibagong kwento
Kwento na hindi na ikaw at ako ang bida
Hatid nito ay paalam
Na may kasamang pasasalamat
Dala ng malikot na utak
At ng memoryang
Unti-unti ng lumalabo
Memoryang dati ay mas malinaw pa sa pagsikat ng araw
Na ngayon ay kasing labo na
Ng paglubog sa kanluran
Ingat, salamat, paalam
No comments:
Post a Comment